नेपाल पत्रकार महासंघ गण्डकी प्रदेश सदस्यमा लमजुङका युवा पत्रकार जनक श्रेष्ठ र रामजी रानाले उम्मेद्वारी दिनुभएको छ ।
यही चैत २५ गते हुने निर्वाचनमा उहाँले नेपाल पत्रकार महासंघको गण्डकी प्रदेश सदस्यमा उहाँहरु दुबै जनाले आदिवासी जनजाति कोटाबाट प्रदेश सदस्यमा उम्मेदवारी दिनुभएको हो ।
विगत १ दशकदेखि लमजुङको पत्रकारिता क्षेत्रमा क्रियाशील जनक श्रेष्ठ हाल राष्ट्रिय समाचार समिति (रासस) लमजुङको संवाददातामा कार्यरत रहनुभएको छ । प्रेस चौतारी नेपाल लमजुङको उपाध्यक्ष समेत रहनुभएका जनक श्रेष्ठ यसअघि लमजुङ दर्पण दैनिक, रेडियो चौतारी ९१.४ मेगाहर्ज, राजधानी दैनिकलगायत स्थानीय तथा राष्ट्रिय मिडियामा काम गरेको अनुभव छ ।
लामो समयदेखी पत्रकारितामा क्रियाशील रामजी राना खवर मिसन डट.कम., रेडियो लमजुङ र दि हिमालयन टाइम्समा कार्यरत रहनु भएको छ । पत्रकारिता क्षेत्रमा काम गरेपनि अहिलेसम्म महत्वपूर्ण जिम्मेवारी नपाउनु भएका रानाले आफ्नो उम्मेदवारी व्यवसायिक र श्रमजिवी पत्रकारको पक्षमा रहेको बताउनु भयो ।
आफ्नो प्रतिकृया दिनुहोस्